مجرد رأي, موضوع أسبوعي لينا كلنا |
الموقع للبيع لعدم التفرغ للاستفسار وللاتصال بنا
Tel : 0100356741 - +20100356741
  |
 Jul 12 2008, 12:24 PM
مشاركة
#31
|
|
 عضو قرب على النجومية  المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004    |
والله أسئلتك مهمة جدا
لكن الناس اتغيروا خلاص ليه مش تكون قلوبنا كلنا صافية ودلوقتي المظاهر كترت قوي وكتير قوي بيتخدعوا بالمظاهر لو كل واحد يبقى صريح إيه اللي هيجرى؟؟؟ كل واحد عاوز كل حد يبصله ويعجب بيه مفيش حل لكل المشاكل اللي ذكرتيها يا هاجر غير ان كل واحد يعالج نفسه وينصح غير(بس بأدب) وهيبقى مفيش احلى مننا لكن بيتهيقلي أصبح شيء مستحيل -------------------- .
|
 |
 
|
|
Jul 16 2008, 09:25 AM
مشاركة
#32
|
|
 عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
مفيش حاجة مستحيلة غير اللي ربنا قال إنها مستحيلة
يعني أكيد ممكن يحصل اللي بتقولولي عليه بس لو آمنا إن دا ممكن يحصل كان في فيلسوف إنجليزي بيقول أنت ما ترى أنه أنت يعني لو إنتا شايف نفسك حاجة بايزة فإنتا حاجة با يظة حتى لو كل الناس شايفة إنك ممكن تتغير والعكس صحيح ميرسي على ردك يا جميلة عقبال الباقي يا رب -------------------- |
|
|
|
|
Jul 16 2008, 11:14 PM
مشاركة
#33
|
|
 عضو قرب على النجومية  المجموعة: عضو نجم موزيكانو المشاركات: 2,380 التسجيل: 09/04 رقم العضوية: 9,966 |
اولا الموضوع راااااااااااااااااائع جدا وكل كلامك جميل
بس بالنسبة للموضوع الاخير فأنا معاكي ان مافيش حاجة اسمها مستحيل بس في حاجة اسمها مش عايزين نعمل حاجة مش عايزين نتغير على الرغم من اننا مش عاجبنا حالنا -------------------- |
|
|
|
|
Jul 18 2008, 10:29 AM
مشاركة
#34
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
كلامك فعلاً صحيح
كتير مننا عاوزين يغيروا حاجات كتير أوي في حياتهم ومش عارفين يغيروها حتى أنا شخصياً عندي حاجات مش عارفة أغيرها ودا عشان إحنا ما عنديناش إرادة للتغيير ميرسي على ردك ملاحظة : في حاجة في المنتدى هامةت وأغيرها وهيا إن عدد الردود ما يجيش ربع عدد المشاهات بجد الموضوع بغيني يا جماعة أنا بتعب عشان أختار موضوع نناقشوا وأنا فاتحة الموضوع دا أساسا عشان نتناقش كلنا مع بعض مش معقولة كل ما أنزل موضوع ما حدش يرد غير كام واحد في منتدى فيه أكتر من ألف عضو أنا بجد مخنوقة هتتعب إيه يعني لو ضيعت5 دقايق من وقتك وإديت رأيك ولو مش عاجبك الموضوع قول وإيه يعني إحنا هنا عشان نتناقش مش عشان كل واحد يرد على أصحابه وبس أنا بجد زعلانة ومحبطة ميرسي لكل اللي اللي دخلوا وردوا أو ما ردوش تحياتي أميرة الحب -------------------- |
|
|
|
|
Jul 18 2008, 10:39 AM
مشاركة
#35
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
أكيد مفيش حاجة مستحيلة
لكن أنا كان قصدي بالكلمة زي ما انتي و لف بيرد اتفقتوا وانا بأيد جدا رأيها وكان قصدي ان مستحيل ان نتغير كلنا لان مش كلنا عاوز يتغير وبكرر شكري على التوبيك الجامد ده -------------------- .
|
|
|
|
|
Jul 20 2008, 10:16 AM
مشاركة
#36
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
قصدك مفهوم
ميرسي على ردك -------------------- |
|
|
|
|
Jul 20 2008, 04:38 PM
مشاركة
#37
|
|
|
عضو قرب على النجومية المجموعة: عضو نجم موزيكانو المشاركات: 2,380 التسجيل: 09/04 رقم العضوية: 9,966 |
اميرة الحب
بالنسبة لموضوع الردود دي مشكلة في الشخصيات مش المشكلة في موضوعك المشكلة ان في ناس مش بتحب تشارك بتقرا بس مايهمهاش اذا كنتي تكتبي تاني او لا وناس مش ليهم في النقاش بيقرأوا الموضوع والاراء بس -------------------- |
|
|
|
|
Jul 22 2008, 09:51 AM
مشاركة
#38
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
ميرسي لردك يا جميل
وأنا مقتنعة بدا بس برضوا نفسي إن الأسلوب دا يتغير ودي بجد من الحاجات اللي نفسي تتغير في كل المنتديات عامة مش بس في منتدانا وميرسي لمتابعتك يا جميل -------------------- |
|
|
|
|
Jul 22 2008, 10:20 AM
مشاركة
#39
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
بحبك.......حتى ورقة الجواز السري في جيبي
حبيبتي أنا بحبك بس الظروف مش مساعداني أنا مش قادر أتخلى عنك أو أتصور إنك تبقي لحد غيري إحنا لازم نحط أهلك قدام الأمر الواقع إحنا نتجوز جواز عرفي ......................... لأ يا حبيبي مقدرش دا أهلي يقطعوني ......................... يا حبيبتي دا مؤقت بس عشان نبقى مع بعض على طول ...................... طاب يا حبيبي هو مش حرام البتاع دا ................ مين قال كده يا حبيبتي هو أنا هتجوزك جواز سري لا سمح الله أنا هجيب اتنين شهود وكل أصحابنا هيعرفوا يعني مش حرام شهود وإشهار .................... مادام هنفضل مع بعض أنا موافقة يا روحي ــــــــــــــــــــــــــــــــــــــــــــــــــــــــــــــــــــــــــــــــ ــــــــ ويقعد يماطل .................... حبيبي هو إحنا هنقول لأهللينا إمتى؟؟؟؟؟؟؟؟؟؟ ................... إإإإإإإإإإن شاء الله يا حبيبتي لما أتخرج بس وأشتغل .................. دا وقت طويل أوي ..................... هيقصر طول ما إحنا مع بعض ................. أيوا يا حياتي أنا عمري ما بحس بالوقت معاك ....................... طاب هقابلك النهاردة في المكان اللي بالي بالك ..................... ماشي يا حبيبي ________________________________________ وتحدث المصيبة الكبرى .................... حبيبي الحقني ................ إيه يا حبيبتي مالك؟؟؟؟؟؟؟؟؟؟ ................. أنا حامل( أو تقول) أهلي متقدملهم عريس وهما موافقين عليه ...................... إيه بتقولي إيه؟؟؟؟؟؟؟ إنتي بتتكلمي بجد ............ أيوة والله بتكلم بجد .................. طاب أنا أعمل إيه ..................... إنتا لازم تيجي وتتقدم في أهلي وتتجوزني قدام الناس كلها .................. ما قدرش ...................... يعني ما تقدرش وأنا أعمل إيه ..................... اتصرفي....... نزلي اللي في بطنك( أو يقول) ارفضيه أو اتصرفي دي مشكلتك مش مشكلتي ........... أمال فين الحب اللي كنت بتكلمني عنه طول الوقت أنا مراتك ...................... أنا آسف ماقدرش أربط اسمي باسم واحدة فرطت في نفسها ................................................................................ .... سواء محترم أو مش محترم سواء محترمة أو مش محترمة مش مهم بنت مين أو هو باباه مين الحكاية لما بتبتدي بالطريقة اللي فوق بتنتهي بالمشكلة اللي تحت ودلوقتي خلص دوري في الكلام وجيه دوركم لي دا بيحصل؟؟؟؟؟؟؟؟؟؟؟؟؟؟؟؟؟ وما دام في طريقة علنية وقانونية لي نتبع الطريقة السرية؟؟؟؟؟؟؟؟؟؟؟؟؟ ومين السبب؟؟؟؟؟؟؟؟؟؟؟ وإيه اللي ممكن يحصل في المجتمع لو استمر الوضع على ما هو عليه؟؟؟؟؟؟؟؟؟؟؟؟؟ وإيه الحل؟؟؟؟؟؟؟؟؟؟؟؟؟؟؟ الأسئلة دي إنتو اللي هتجاوبوا عليها لأني بنت عندي 16 سنة ماعرفش اللي ممكن يدفع شاب وشابة في الجمعة أو مخلصين ثانوي لسة إنهم يعملوا كده وكمان مش عايشة في مصر ومش لامسة المشكلة في إيديا وقدرش أتلكم عنها زي ما إنتو ممكن تتكلموا ونهاية كلامي إنما الأمم الأخلاق ما بقيت فإن هم ذهبت أخلاقهم ذهبوا ويا خسارة الشباب اللي فضل الحرام على الحلال ويا حسرة على البنات اللي سلمت نفسها للشيطان ســـــــــــــــــــــــــــــــــلام -------------------- |
|
|
|
|
Jul 22 2008, 11:02 AM
مشاركة
#40
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
موضوع مهم جدا للنقاش
وأنا كنت في انتظار موضوع الأسبوع ده بس أظن ان اللي بيتجوزوا عرفي بيستعبطوا أنا من رأيي إن الجواز العرفي مش جواز أصلا بصريح العبارة .. زنا .. وأظن ان الشباب اللي بيعملوا كده عاوزين يعملوا اللي همه عاوزينه وبس وميهموش أي حاجة حتى ما بيراعيش ربنا ... أما البنات فهمه دول اللي بيمشوا ورا قلبهم بس ويقفوا عقلهم وبعدين ازاي تسمح لنفسها انها تتجوز واحد من ورا اهلها حتى لو كانت هتموت علشان تتجوزه مهما كان ... البنت بدون الحياء متبقاش بنت أبدا .. وكمان هيه ملهاش إلا سمعتها وأي واحدة تعمل كدة هيه بنت أنانية جدا جدا .. لأنها مفكرتش بالفضيحة اللي هتخلي راس اهلها في الأرض ثانيا دايما الواحدة مش تنسى ان الشاب لازم يختبر اللي هيتجوزها ويتاكد منها اي واحدة هترضى بالجواز العرفي .. ولا حتى لمسة ولا بوسة.. كل ده هيخلي الشاب يقول زي ما رضيت انها تعمل معايا كدة أكيد هترضى مع غيري ويسيبها وبعد كده البنت تتدمر وهوه ولا له دعوة عموما أنا آسفة جدا إذا كنت طولت بس الموضوع كله محتاج بس لتوعيه دينية وكــــــــــــــــــــــــــــــــــل المشاكل ديه ما تحصلش الا من عدم الوعي الكافي للدين -------------------- .
|
|
|
|
|
Jul 24 2008, 11:17 AM
مشاركة
#41
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
أنا معاكي إن مافيش وعي ديني كافي
بس برضوا نقدر نقول إن كتير من الشباب دول بيعني من ظروف إجتماعية تانية زي البطالة وغلاء المعيشة وغيره يعني من كام السنة الشاب كان بيفكر إزاي هيجيب شقة دلوقتي هو بيفكر إزاي يبطل يأخد مصروف من باباه يعني المشكلة مش مشكلة دينية وبس دي مشكلة ليها جوانب كتير أوي وميرسي على ردك واهتمامك تحياتي أميرة الحب -------------------- |
|
|
|
|
Jul 25 2008, 04:13 PM
مشاركة
#42
|
|
|
عضو قرب على النجومية المجموعة: عضو نجم موزيكانو المشاركات: 2,380 التسجيل: 09/04 رقم العضوية: 9,966 |
بجد جميع مواضيعك اللي بتتكلمي عنها اسبوعيا رائعه جداااااااااا جداااااااااا
بس بصراحة مش عارفة اقول حاجة في موضوع الزواج السري ده غير انها بتبقى لعبة بيلعبها الولد على حساب البنت -------------------- |
|
|
|
|
Jul 28 2008, 08:35 PM
مشاركة
#43
|
|
 عضو قرب على النجومية المجموعة: عضو نجم موزيكانو المشاركات: 3,277 التسجيل: 04/01 رقم العضوية: 197   |
اسف ان متفقش مع فاطمة في ان الولد بيدحك علي البنت اعتقد في وسائل مرئية كتيرة ناقشت الموضوع ده و البنات مش هوبل ان حد يدحك عليهم منا بستغرب البنات ديه !!!!! اكيد هما مش بالسذاجة ديه و ده رأيي ثانيا بالنسبة للرد علي موضوعك اهمها طبعا عدم الوعي الديني الي سبق و اتشار اليه من الاعضاء و انا شايف ان المهم بعد التوعية الدينية التربية في البيت الي بيعمل كدة بجد بيبقي مش متربي صح اعتقد ان دول اهم سببين لو توفرو عند اي حد ممكن يعمل اي حاجة
و بالنسبة لنسبة المشاهدات انا عايز اشير ان انا دلوقتي دخلت علي الموضوع ماشي ادي مشاهدة كتبت الرد ادي مشاهدة يعني علي طول المشاهدات بتبقي ضعف الردود غير ان انا دلوقتي كتبت رد ممكن اخش اشوف ردك عليه من غير مرد ممكن اخش اشوف موضوع الاسبوع و اخش ارد بعد شوية في مشاهدة تاني يعني لازم المشاهدات بتبقي ازيد بكتير عن المشاركات فا متزعليش يا قمر و علي فكرة المنتدي فيه 23 الف 
--------------------  |
|
|
|
|
Aug 2 2008, 09:56 AM
مشاركة
#44
|
|
|
عضو قرب على النجومية المجموعة: عضو نجم موزيكانو المشاركات: 3,277 التسجيل: 04/01 رقم العضوية: 197 |
فين موضوع الاسبوع ده ؟؟؟؟؟؟؟؟؟؟
-------------------- |
|
|
|
|
Aug 19 2008, 11:41 AM
مشاركة
#45
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
أولا : مهما كانت الظروف يا هاجر برضه عمر مفي واحد هيكون عنده وعي ديني ويعمل كده
ثانيا : يا ادمين لف المنتدى مكانش بيفتح معايا انا وهاجر لان تقريبا اللينك اتغير وانا معرفتش غير النهاردة وانا هعرف هاجر وهيه على فكرة مجهزة مواضيع كتيرة جدا -------------------- .
|
|
|
|
|
Aug 20 2008, 12:10 PM
مشاركة
#46
|
|
|
عضو قرب على النجومية المجموعة: عضو نجم موزيكانو المشاركات: 3,277 التسجيل: 04/01 رقم العضوية: 197 |
الموقع قفل 3 ايام اصلا و رجع علي طوول اه هو اللينك اتغير فعلا علعموم في انتذار الموضوع القادم
-------------------- |
|
|
|
 Aug 20 2008, 02:21 PM
مشاركة
#47
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
((( حريق مجلسي الشعب والشورى ....................عار على الحكومة المصرية)))
طبعاً كلنا عرفنا الخبر المشؤوم والكارثة ديه وأكيد كتير منن مش حطين في اعتبارهم إن جديه كارثة بس تعالوا نشوف الموضوع بنظرة سريعة إيه المبنى اللي اتحرق ده؟؟؟؟؟؟؟؟؟؟؟؟؟؟؟؟؟؟؟؟ ده مبنى لمقر مجلسي الشعب والشورى أهم مبنيين في البلد بعد قصر الرئاسة ده مبنى شهد أول تجربة برلمانية مصرية بناه اسماعيل باشا المفتش عام 1924م يعني بقالوا أكتر من 80 سنة دا مبنى شهد كل المشادات السياسية التاريخية اللي حصلت على مدار القرن الماضي منذ بداية لتجربة البرلمانية في مصر للنهاردة يعني له ثقل سياسي وتاريخي ومعنوي طاب لما مبنى بهذا الثقل يتحرق بالطريقة ديه وتكون هايته كده يبقى إحنا ومساكننا ممكن يحصل فيها إيه بلاش كل ده لما دا يحصل لمبنى زي دا يبقى طبيعي جداً إن كمان كام سنة جامعة القاهرة تطفح عليها المجاري وتتهد بكل الثروة الثقافية اللي فيها، والهرم يتحرق هو كمان والسد العالي يتفجر ببومب وصواريخ عادي ما هو بقى إهمال في كل حاجة واللي حصل دا مش لازم نعديه بالساهل ولازم نسأل أسئلة كتير أنا فعلاً كنت زعلانة أوي وأنا شيفة جزء مهم جداً من الحضارة المصرية وتاريخ مصر الحديث بيتدمر بيد الإهمال يعني بلد زي أريكا بتعمل المستحيل عشان يكون عندها تارخ بالخير أو الشر وإحنا ربنا ميدنا 7 آلاف سنة تاريخ ندمرهم بإيدينا بجد مش معقول عشان كده كان لا زم أكتب ولازم كلنا نسل أسئلة كتير زي:::::::::::::: إزاي مفيش وحدات إنذار حريق تنذر بوجد هذا الحريق إزاي الناس تقول إنه شافت أعمدة الدخان لساعة 5 وجهود الإنقاذ ما تبدأش غير الساعة 6 إزاي وحدات الأمن الصناعي متتحركش لما ابتدى الحريق دا صغير وإزاي يكبر منها إزاي مبنى زي دا مش مجهز بأهم وأحدث وسائل السيطرة على الحرائق وأجهزة الإنذار وأجهزة إنذار متصلة مباشرة بالدفاع المدني إزاي مبنى أثري زي ده مش مجدد ومؤمن ضد هذا النوع من الكوارث حتى على الأقل الخشب لقديم اللي اتقال إنو سبب انتشار الحريق يتم طلاؤه بمواد غير قابلة للإشتعل إزاي مجلس الشع اللي طول لنهار والليل فالقنا بوصلة نحن نحافظ على حقوق المواطن وأمنه، وحط الحزام واشتري الشنطة وامنع القنوات الإباحية ، وهو معندوش أدنى درجات الحماية لمبنى أثري وعظيم ومهم هو بيستخدموا وطبعاً لو كنت من متابعي برنامج العاشرة مساء هتشوف جهود الإنقاذ الفاشلة حيث أن طائرات القوات المسلحة المشاركة في عمليات الإنقاذ غالباً ما تخطئ الإصابة وترمي الميه على الجماهير بدلاً من رميها على الحريق ولدفاع المدني اللي بيرش مية على الشبابيك وهيا مقفولة ودا طبعاً ماينفعش عشان لازم الشبابيك تبقى مفتوحة يعني يكسروها بأي حاجة عشان تصل المية والمهازل التانية يعني لو كنت من متابعي 90 دقيقة بيقى شوفت اللي اتكلم باسم شركة الكهرباء لما سألوه إن الفرضيات الأولية بتقول إن الحريق سببه ماس كهربائي قال إن الشرطة مسؤولة فقط عن العدادات اللي في الدور الأرضي وإن لحريق ابتدى في الدور الثالث يعني مالناش دعوة إحنا بالتركميبات الداخلية مهزلة بكل المقاييس وبجد هذا الحريق عر عار عار عار عار عار عار عر عار عار على الحكومة المصرية الحكومة لازم تقال بسبب الفظائع الكوارث اللي حصلت في عهدها يعني على الأقل إنه تعرف تمن مباني الدولة صح بدل ما تروح تصيف في مرينا و تعمل دوشة مالهاش لازمة على القرية الذكية أنا كده خلصت اللي عندي دوركم بقى ملاحظة: المبنيين دول من يوم ما اتبنوا ماحصلهومش حاجة غير في عهد حكومتنا الذكية أنا كده خلصت كلامي ســـــــــــــــــــــــــــــــــــــــــــلام -------------------- |
|
|
|
|
Aug 20 2008, 07:03 PM
مشاركة
#48
|
|
|
عضو قرب على النجومية المجموعة: عضو نجم موزيكانو المشاركات: 3,277 التسجيل: 04/01 رقم العضوية: 197 |
اولا بيقولو ان المبني اغلبو كان من الخشب لانو قديم زي ما قلتي
و انا شايف انو ملوش الاهمية الاثرية المهمة اوي لان انا هعيش عمري كلو اموت و هفضل مش بشوفو غير من برة الا لو بقيت عضو مجلش شعب انا كنت هزعل بس لو في حد مات لكن انا متأثرتش للدرجة ورجعة جميلة للموضوع -------------------- |
|
|
|
|
Aug 22 2008, 08:05 AM
مشاركة
#49
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
والله انا مش عارفه اقول حاجة
لان انا جوايه كلام كتيييييييييييييييييييييييير وانا بالظبط زي أدمين لف وبصراحة انا بقول ان محدش من الحكومة قلبه على البلد يعني مش تولى المنصب ده علشان يخدم ويساعد مصر لكن اظن انهم كلمهم بتهمهم مصلحة وهمه مش حاسيين خالص بالناس عايشاه ولما واحد يحب يشوفهم عايشين ازاي لازم يتنكر علشان محدش يجامله علشان ده فلان الفلاني -------------------- .
|
|
|
|
|
Aug 22 2008, 11:04 AM
مشاركة
#50
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
محدش قال حاجة
بس دا مبنى أثري مهم جداً أنا ما عنديش فكرة ليه إنتو مش عندكم نفس الاهتمام بس الآراء بتختلف على العموم أنا فكرة الحريق نفسها مش هيا ديه اللي نت عاوزة أوصلها أنا بس كنت بطرح تسؤل وهو::::: لما يبقى مبنى بهذه الأهمية وبيقى فيه اهمال من جانب الحكومة بالطريقة ديه فأكيد المباني التانية هيكون حالها إزاي فهمين قصدي يا ريت تكونوا فهمتوه ميرسي على ردودكم -------------------- |
|
|
|
|
Aug 22 2008, 11:13 AM
مشاركة
#51
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
فكرتك وصلت من البداية يا هاجر
لكن ( بدون تعليق ) وكل التساؤلات اللي قلتيها هيه نفسها اللي ف بالنا كلنا -------------------- .
|
|
|
|
|
Aug 22 2008, 12:31 PM
مشاركة
#52
|
|
|
عضو قرب على النجومية المجموعة: عضو نجم موزيكانو المشاركات: 3,277 التسجيل: 04/01 رقم العضوية: 197 |
ربنا لما يكون عايز حاجة مش هيقدرو يعمللها حاجة دول جابو طيارات هليكوبتر و اعدو يطفو 5 ساعات و حظهم النحس ان الهواء كان جامد اليوم ده
و معروف ان احنا في مصررر يعني حياة الفرد و سلامتو بتيجي في اخر القائمة هنعمل ايه بقي حسبي الله و نعم الوكيل -------------------- |
|
|
|
|
Aug 25 2008, 05:36 PM
مشاركة
#53
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
كلامك مظبوط يا ادمين
-------------------- .
|
|
|
|
|
Aug 26 2008, 11:34 AM
مشاركة
#54
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
العبارة السلام 98...........اسم على غير مسمى
أنا مش هتكلم أن بس جمعت بعض الصور من النت وهاعرضهالكم وإنتو اتكلموا أنا محدش ماتلي في العبارة ديه ولا واحدة نجيت منها وما تخديتش تعويض أنا واحدة الحمد لله مرفهة ويوم ما بسافر بسافر في طائرة عشان بالنسبة ليا مجرد النظر في شكل العبارات دي يجيب اكتئاب بس مش كل الناس زيي أنا بس بقول كده عشان أقول إن ماليش مصلحة إن أشهر بحد أو أقلب حد ضد حد أنا بس بدور على العدل للناس اللي ماتت ومالقيتش غير الصور اللي هتعبر أحسن من 500 كلمة ودمعة أسيبكم معاها واتلوا إنتو الكلام بعد كده        -------------------- |
|
|
|
|
Aug 26 2008, 03:15 PM
مشاركة
#55
|
|
|
عضو قرب على النجومية المجموعة: عضو نجم موزيكانو المشاركات: 3,277 التسجيل: 04/01 رقم العضوية: 197 |
الصور مؤثرة فعلا بس انا زي ما قلتلك حياة الفرد في مصر بتيجي في اخر القائمة الامان شيء محدش بيهتم الي بيه المستثمرين بيهتموو بأن الاسعار تكون رخيصة او في تناول المواطن عشان يقدر يكسب لكن سلامة و مش سلامة هوو مالو ........حسبي الله و نعم الوكيل بردووووووو
انا في موضوع بقترح انك تفكري في تقديمه مرة من المرات الا وهو الاختلاط بين الولاد و البنات في المدارس في الجامعة انيل و انيل ؟؟؟؟ بالنسبة للحدود بينهم معروفة والي ميعرفهاش يقدر يعرفها لكن السؤال هنا انت عاف ان الكلام ده غلط تقدر تبطلو الكلام و هو ابسط الاشياء صوت المرأة عورة !!!!! -------------------- |
|
|
|
|
Aug 26 2008, 06:00 PM
مشاركة
#56
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
والله يا هاجر انا بشكرك على موضوعك ده
وفعلا الحادثة دي أثرت فيه جامد جامد أوي وانا زي ما انتيس عارفة بعيط من الافلام مبالك بقى بالحقيقة والله أنا وصلت لدرجة اني بقيت فعلا اكره النظام في مصر ومش معنى كده ان انا مبحبش مصر مصر هي أحلى بلد في نظري وعمرها ما تتغير فكرتي لكن النظام اللي فيها سيء جدا جدا جدا والحكومة مبتفكرش ف اهل مصر خالص انا مش عارفة اقول ايه ولا ايه لكن الله يصبر أهل الضحايا ومش عارفة ازاي اتحكم للصاحب السفينة بالبراءة والله هيجننوني ده اول واحد المفروض يكون معدوم وبعدين خاطفين ناس كمان وهيفضلو مخطوفين لحد ما يموتوا لانهم الشاهدين عليهم وفي واحد اتصل عليه شخص وقالو انه قريبه معاه (( قريب المتصل عليه )) وقالهم انهم مش عارفين همه فين لكنهم عايشين وبعد كده ييجو يردوا المسؤولين ان الناس دي معشمة نفسها ان قرايبهم عايشين وبيدوا آمال لنفسهم والله أنا مضايقة جدا من الموضوع ده -------------------- .
|
|
|
|
|
Aug 28 2008, 10:26 AM
مشاركة
#57
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
ميرسي على ردودكم واهتمامكم
وبجد الموضوع مؤثر أوي أنا بجد كنت فاكرة إن حاجدة زي ديه لما تحصل هتهز مصر كلها لكن الموضوع اتنسى وآدي النهاية محامين ممدوح عباس دايرين يبجحوا في القنوات الفضائية وفرحانين بنصرهم فرحانين في الناس الغلابة أنا بجد مش عارفة أقول إيه بس ربنا يسامح اللي كان السبب وحسبي الله ونعم الوكيل وبالنسبة لموضوعك يا أدمن أكيد أنا هخليه يكون مضوع للنقاش في أسبوع من الأسابيع بس حضر رشاشاتك بقى بس اسمحلي مش هيكون الأسبوع الجاي عشان الأسبوع الجاي هنتكلم عن قانون الطوارئ بعدها هيكون لينا وقفة مع موضوع الاختلاط وحدوده ميرسي على ردودكم واهتمامكم -------------------- |
|
|
|
|
Sep 18 2008, 06:24 AM
مشاركة
#58
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
فين مواضيعك يا هجورة
اتاخرتي علينا اوي منتظرين بسرعة هتقولي ايه ف قانون الطوارئ -------------------- .
|
|
|
|
|
Sep 25 2008, 12:03 PM
مشاركة
#59
|
|
|
عضو قرب على النجومية المجموعة: شباب موزيكانو مميز المشاركات: 981 التسجيل: 09/10 البلد: مصر ام الدنيا رقم العضوية: 20,032 |
طوارئ طوارئ........حكاية العمة ريري وعصاية جدو صندوق
يا أطفالي يا حلووين( إنتو طبعاً) أكيد إنتم مستنيين حكايات العمة ريري( أنا طبعاً) تغمكم في حياتكم وتكئبكم في عيشتكم وتححسكم إن هم الدنيا كهلها فوق دماغكم هم وغم ونكد ولإن دي صنعتي المفضلة عشان كده أنا اختارت النهارده أغمكم بحكاية جديدة وأكرهكم في عيشيتكم بطريقة جديدة وحكاية جميلة مرعبة وتفقدكم الأمل في الدنيا وتنتحروا أفواجاً أفواجاً وهي حكاية ( الطوارئ ..........عصاية الجدو صندوق) كان يا مكان في قديم الزمان كانت العيشة مستورة والناس هادية ومبسوطة ومفيش لا مشكلة كبيرة ولا صغنطوطة لكن جدو صندوق اللي دماغوا لا بتغفا ولا بتروق ولا عاجبوا إن الناس سعيدة ودماغتها من الراحة بتروق قرر يقلبها غم ومايسبش حد فرحان لاجد ولا خال وعم ويخلي الجميع قلقان و على كل كلمة حق أو منطق بيقولها ندمان خصوصا إن الناس كانت بتقول إللي في نفسها وحريتها بدأت تكبر مع عقلها ولما شاف إن الناس بدأت تخبط فيه على الغم اللي عملوا في المنطقة بتلوم و للعالم بتشكيه قرر اللي لا بد منه ولازم عمله مهما كان تمنه حتى إن يخسر أصحابه وشعبه واستنى الفرصة المناسبة اللي هو كان السبب فيها ومع أول خطر بدل ما يواجه ويصلح الأخطاء اللي عمالة تزيد في البلد قرر يهرب ويخرس لسان كل اللي يقول من لمواجهة مفيش مهرب وطلع العصاية وقال أنا هقلبها غم على كل اللي يقولي بداية أو نهاية قام القانون قالوا لأ يا حبي مهو مش كل الطير اللي يتاكل لحمه طلعلي اللي يقول إنك ممكن تطلع العصاية قالوا : كده.........طيب أنا أعلنت تطليع العصايا فوق حاجب وعين القانون باسم مزاجي وكيفي وعكازي أعلن قانون الطوارئ قنون للبلد ومن يومها البلد لا تسر عدو ولا حبيب والشمس بتطلع زي ما بتغيب واللي يقول كلمة يطلعولوا العصايا من الجيب وإن قل أي يقولولوا : معلش ماهو ضرب الحبيب زي أكل الزبيب ولحد النهردة لحد عارف بتكلم في تليفونه ولا يتكلم عن (النونو) ولا يقدر يقول تلت التلاتة كام في ظابط ولا عسكري حتى لو الغلط مبقع عليه في كل هدومه لولا بقى فيه حرية ولا غير حرية وكل حاجة بتحكموا فهيا حتتى الناس اللي كانت نوارة لبلد سبوا لسانها يوت من غير ظهر و لا سند أو قطعوا اللسان خالص لو رفض الموت ودينوه وخدوا من لحمه سواء قال ولا ما قلش بالقرش والسحتوت ماهو محدش يقدر يقول يا ناس البلد دي هتموت وفي النهاية لما لسانا قوي قدرنا نقول وأفكارنا نضجت وحتاجت تثور وقانون الطوارئ بقى شيخ قرب يموت وعصروا خلاص قربيفوت ثار جدو صندوق وقال نهاية الظلم والاستعباد محال طول ما جدو صندوق عايش ودماغوا شغال والاسم إيه بيحمينا من الإرهاب طاب ما قانون الطوارئ عايش وشغال بقالوا عقود 27 سنة لحد ما أكه الدود وبرضوا الإرهاب محاوطنا في كل ناحية وبيدينا بالشلوت قال خلاص يبقى هنعمل قانون إرهاب ولحد ما يتعمل بقى (وطبعاً حلني) هيستمر قانون الطوارئ من غير سبب ولا طارئ واللي اتكلم وقال إن قانون الطوارئ مالهوش لزوم هطلع عليه زعابيبي وأزوم وهدخلوا السجن مع أحصابوا لحد ما عقلوا هو اللي يخسر الفايجة واللزوم وفي النهاية يا حبايبي بعد ما غمتكم وبكآبتي عشيتكم وغديتكم باقي أقول اللي المفروض نستفيدوا من حكايتي ديه وهو إن لا قانون الطوارئ ولا الإرهاب إن ماكناش نصلح نفسنا ونواجه مشاكلنا يبقى على الدنيا السلام وكل واحد بقى ينام بعد حكايتي نومة مزعجة ويحلم أحلام مرعبة عن مستقبلوا من عصية جدو صندوق(الحكومة عشان محدش يفهم غلط أنا مش عايزة أتاخد كلابوش) ويقولي عليه أشوفكم مع حكاية تانية ســـــــــــــــــــــلام -------------------- |
|
|
|
|
Sep 26 2008, 12:27 PM
مشاركة
#60
|
|
|
عضو قرب على النجومية المجموعة: شباب موزيكانو مميز المشاركات: 2,781 التسجيل: 31/07 البلد: مصر رقم العضوية: 16,004 |
والله يا هجورة انتي جامدة اوي في مواضيعك
وربنا يخليكي تحكلنا حكايات قبل النوم هههههههههه -------------------- .
|
|
|
|
|
1 عدد القراء الحاليين لهذا الموضوع (1 الزوار 0 المتخفين)
0 الأعضاء:
|
نسخة خفيفة | الوقت الآن: 30th July 2010 - 05:22 AM |
Skin IPB: Invisionpower.fr - Aide IP.Board
Powered By IP.Board
2.3.6 © 2010 IPS, Inc. تعريب وتطوير : فريق الآي بي العربي
Licensed to: www.mozikano.com